Türkiyəli tanınmış aktyor Arif Erkin Güzelbeyoğlu 90 yaşında vəfat edib

Türkiyənin sevilən sənətkarlarından biri, aktyor və musiqiçi Arif Erkin Güzelbeyoğlu 90 yaşında dünyasını dəyişib.

Shir.az xəbər verir ki, o, bir müddətdir yaşla əlaqədar səhhətində yaranan problemlər səbəbilə müalicə alırdı. Güzelbeyoğlu bu gün, oktyabrın 16-da vəfat edib.

Arif Erkin təkcə aktyorluğu ilə deyil, həm də bəstəkarlıq fəaliyyəti ilə tanınıb. O, bir çox teatr tamaşaları və filmlərə musiqilər bəstələyib. Tamaşaçılar onu “Bir Demet Tiyatro”, “İkinci Bahar”, “Sıla” və “Çemberin Dışında” kimi məşhur serial və filmlərdəki rolları ilə yaxşı xatırlayırlar.

Sənətkarın vəfatı sənət camiəsində və pərəstişkarları arasında dərin hüznlə qarşılanıb. Onun dəfn mərasimi ilə bağlı əlavə məlumatların yaxın saatlarda açıqlanacağı gözlənilir.

Qeyd: Arif Erkin Güzelbeyoğlu 1935-ci ildə dünyaya gəlmişdi. Sənətə və insanlara verdiyi töhfələrlə yaddaşlarda qalacaq.

Türkiyənin milli müdafiə naziri Yaşar Güler PKK terror qruplaşmasına və ona bağlı olan qollara növbəti dəfə xəbərdarlıq edib.

Shir.az xəbər verir ki, nazir bu barədə Ankarada 19 Sentyabr Qazilər Günü münasibətilə keçirilən mərasimdə danışıb.

"PKK və ona bağlı bütün qruplar, edilən çağırış və qəbul edilən ləğv qərarı çərçivəsində dərhal terror fəaliyyətlərinə son verməli, başda Suriya olmaqla, müxtəlif coğrafiyalarda və fərqli adlar altında fəaliyyət göstərən bütün qolları bir an əvvəl və şərtsiz olaraq silahlarını təhvil verməlidirlər", – deyə nazir bildirib.

Y.Gülər heç bir terror təşkilatının bölgədə kök salmasına, fərqli adlar altında fəaliyyət göstərməsinə icazə verməyəcəklərini vurğulayıb.

İndoneziyada 5,3 bal gücündə zəlzələ qeydə alınıb.

Shir.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, təbiət hadisəsi Sumatra adasının sahillərində qeydə alınıb.

Belə ki, zəlzələnin episentri Benkulu şəhərindən 176 kilometr şimal-qərbdə, ocağı isə 67 km dərinlikdə olub.

Dağıntılar barədə məlumat verilməyib, sunami təhlükəsi elan edilməyib.

Rusiyanın Xəzər donanmasının gəmiləri dəniz təsərrüfat fəaliyyətinin və gəmiçilik vasitələrinin təhlükəsizliyini təmin etmək məqsədilə təlimə çıxıblar.

Shir.az xəbər verir ki, bu barədə Xəzər donanmasından məlumat verilib.

“Xəzər donanmasının gəmiləri kontr-admiral Oleq Zverevin rəhbərliyi ilə keçirilən komanda-qərargah təliminin praktiki hissəsində iştirak etmək üçün dənizə çıxıb. Təlim zamanı Xəzər dənizində dəniz təsərrüfat fəaliyyətinin və gəmiçilik obyektlərinin təhlükəsizliyinin təmin edilməsi məqsədilə donanmanın müxtəlif tədbirləri həyata keçiriləcək”, - məlumatda qeyd olunub.

ABŞ və Polşa prezidentləri Donald Tramp və Karol Navrotski Ağ Evdə danışıqlar aparacaqlar, əsas mövzu Rusiyanın Ukrayna ilə müharibəsi olacaq.

Bu barədə Shir.az "Al Arabiya"ya istinadən xəbər verir.

Sentyabrın 3-nə planlaşdırılan görüş zamanı xüsusi diqqətin müharibənin dayandırılması ilə bağlı danışıqlara, həmçinin Polşanın enerji təhlükəsizliyi məsələlərinə yönəldiləcəyi gözlənilir.

Bildirilib ki, K.Navrotskiyə dəvət avqustun əvvəlində onun andiçmə mərasimindən cəmi bir neçə gün sonra göndərilib. Bundan əlavə, Tramp şəxsən Polşa liderinin Avropa liderləri ilə Ukraynaya dair əsas telefon danışığında iştirak etməsini təmin edib.

Xatırladaq ki, mayda Tramp artıq Navrotskini Ağ Evdə qəbul edib və seçki kampaniyasının həlledici anında ona dəstəyini ifadə edib.

Prezidentlərin görüşü şərq vaxtı ilə saat 11:00-da (GMT 15:00) baş tutacaq.

NATO-nun üzvü olan Polşa həm Rusiya, həm də müharibə içində olan Ukrayna ilə həmsərhəddir.

31 avqust Afrika mənşəli xalqların Beynəlxalq Günü kimi qeyd edilir.

Shir.az xəbər verir ki, bu gün 2020-ci ildə BMT tərəfindən təsis edilmiş və məqsədi Afrika mənşəli xaqların zəngin mədəni irsini, müxtəlif mədəniyyətlərini və dünyaya verdikləri əvəzsiz töhfələri geniş ictimaiyyətə çatdırmaqla yanaşı, onların üzləşdiyi ayrı-seçkilik, ədalətsizlik və bərabərsizlik kimi ciddi problemlərə diqqət çəkmək, onların fundamental insan hüquqlarının müdafiəsini təşviq etməkdir. 31 avqustun qeyd olunması təkcə Afrika mənşəli xalqların deyil, ümumilikdə bəşəriyyətin hüquq və azadlıqlarının təmin olunması istiqamətində atılan əhəmiyyətli addımdır.

Tarix boyu Fransa müstəmləkə siyasəti çərçivəsində Afrika mənşəli xalqlara qarşı qanlı repressiyalar, soyqırımı aktları həyata keçirmiş, insan haqlarını kobud şəkildə pozmuş və bu siyasətini hələ də davam etdirməkdədir.

Fransa Afrikada yerləşən keçmiş müstəmləkələrində neokolonial siyasət həyata keçirməklə yanaşı, Reyunyon, Mayot, Qvadelup, Martinik və Fransız Qviyanası kimi müstəmləkə idarəçiliyi altında saxladığı ərazilərdə Afrika mənşəli xalqlara qarşı uzun illərdən bəri davam edən sosial, iqtisadi və siyasi basqılar edir. Bu siyasət çərçivəsində Fransa, yerli xalqların siyasi müstəqillik və iqtisadi sərbəstlik hüquqlarını məhdudlaşdırır, milli kimliklərin zəiflədilməsinə səbəb olur və təbii sərvətləri öz nəzarəti altında saxlamağa çalışır.

Reyunyon və Mayot adalarında əhali ciddi sosial və iqtisadi ədalətsizliklərlə üzləşir. İşsizlik səviyyəsi 30%-dən yüksəkdir, xüsusilə gənclər arasında işsizlik daha kəskin müşahidə olunur. Səhiyyə və təhsil sahələrində resurs çatışmazlığı insanların həyat keyfiyyətini aşağı salır. Qvadelup və Martinikdə də yüksək işsizlik (35%-dən çox), diskriminasiya və polis zorakılığı kimi sosial problemlər mövcuddur. Yerli əhali mədəni kimliklərini qorumaq üçün dövlət dəstəyindən məhrumdur. Fransız Qviyanasında işsizlik təxminən 40%-dir. Təbii sərvətlərin istismarı tamamilə Fransanın nəzarətindədir və yerli əhali iqtisadi faydaların çox hissəsindən məhrumdur.

Bakı Təşəbbüs Qrupu paytaxt Bakı şəhərində Fransanın müstəmləkə siyasətindən əziyyət çəkən Afrika mənşəli xalqların yaşadığı Reyunyon, Mayot, Qvadelup və digər müstəmləkə ərazilərinə həsr edilmiş beynəlxalq konfranslar təşkil etmiş, bu ərazilərdə yaşayan yerli xalqların, o cümlədən Afrika mənşəli xalqların müstəmləkəçilikdən qaynaqlanan problemlərinin BMT tribunasında qaldırılması istiqamətində çoxsaylı əməli fəaliyyət ortaya qoymuşdur. Təşkilat Fransa hökumətini adı çəkilən ərazilərdə törətdiyi qanunsuzlar barədə cavab verməyə məcbur etmiş və BTQ-nin rəhbər heyəti BMT-nin Afrika mənşəli xalqlar üzrə Daimi Forumlarında iştirak edərək onların fəaliyyətinə dəstək nümayiş etdirmişdir.

BTQ Fransanın bu ərazilərdə uzun illər ərzində bilərəkdən yaratdığı sosial və iqtisadi bərabərsizlikləri, milli kimliklərin sistemli şəkildə məhv edilməsini ətraflı dərc etdirdiyi hesabatlarında və sənədləşdirərək dünya ictimaiyyətinin diqqətinə çatdırmışdır. Bu hesabatlarda Fransanın müstəmləkə siyasətindən irəli gələn insan hüquqları pozuntuları, iqtisadi və siyasi bərabərsizliyin davam etməsi, habelə mədəni assimilyasiya ilə milli kimliklərin itirilməsi mövzuları geniş şəkildə işıqlandırılmışdır.

Rusiya Prezidenti Vladimir Putin bazar ertəsi, sentyabrın 1-də Çinin paytaxtı Pekində keçiriləcək Şanxay Əməkdaşlıq Təşkilatının sammiti çərçivəsində İran Prezidenti Məsud Pezeşkianla görüşəcək.

Shir.az xəbər verir ki, bu barədə Kreml məlumat yayıb.

Məlumata görə, Vladimir Putin Məsud Pezeşkianla İranın nüvə proqramını müzakirə edəcək.

Qeyd edək ki, Putinin Çinə səfəri zamanı Türkiyə, Hindistan, İran və Pakistan da daxil olmaqla, bir sıra ölkələrin liderləri ilə görüşü planlaşdırılır.

Pakistan və Ermənistan ölkələr arasında diplomatik münasibətlərin qurulması məsələsini nəzərdən keçirməyə razılaşıb.

Bu barədə Shir.az Pakistanın Baş nazirinin müavini, xarici işlər naziri Məhəmməd İshaq Darın "X" hesabındakı paylaşımına istinadən xəbər verir.

Pakistanlı nazir paylaşımında erməni həmkarı Ararat Mirzoyanla telefon danışığı apardığını qeyd edib.

"Bu gün xarici işlər naziri Ararat Mirzoyanla telefon danışığı apardıq və Pakistanla Ermənistan arasında diplomatik münasibətlərin qurulması mümkünlüyünü nəzərdən keçirməyə razılaşdıq", - o deyib.