Paytaxtın Nərimanov, Səbail və Nəsimi rayonlarında yerləşən zərgərlik mağazalarından oğurluq etməkdə şübhəli bilinən şəxs saxlanılıb.

Shir.az xəbər verir ki, 5 min manat dəyərində qızıl-zinət əşyalarının oğurlanmasında şübhəli bilinən şəxs Nərimanov Rayon Polis İdarəsinin 18-ci Polis Şöbəsinin əməkdaşlarının keçirdikləri əməliyyat tədbirləri nəticəsində tutulub.

Araşdırmalar zamanı məlum olub ki, həmin şəxs mağazalara müştəri qismində daxil olaraq satıcıların diqqətini yayındırmaqla qızıl məmulatlarını ələ keçirib.

Hadisə anları mağazalardakı təhlükəsizlik kameraları vasitəsilə də qeydə alınıb.

Faktla bağlı araşdırmalar davam etdirilir.

Məşhur pambıq ustası, Sosialist Əməyi Qəhrəmanı, Azərbaycan SSR Ali Sovetinin (IX çağırış, XI çağırış), SSRİ Ali Sovetinin (X çağırış) deputatı olmuş Fatma Rza qızı Hüseynova 86 yaşında vəfat edib.

Shir.az xəbər verir ki, bu barədə onun yaxınları məlumat yayıb.

Qeyd edilib ki, mərhum Sabirabad rayonu Qaratəpə kəndində dəfn olunacaq.

Qeyd edək ki, o, 2002-ci ildə iqtisadiyyat və dövlət idarəçiliyi sahələrində böyük xidmətlərinə görə Azərbaycan Respublikası Prezidentinin fərdi təqaüdünə layiq görülüb.

2017-ci ildə Azərbaycan Respublikasında kənd təsərrüfatının inkişafında xidmətlərinə görə 1-ci dərəcəli "Əmək" ordeni ilə təltif olunub.

Əməkdar artist Rəşad Bəxtiyarov uzun sürən xəstəlikdən sonra 47 yaşında vəfat edib.

Shir.az xəbər verir ki, bu barədə APA-ya Akademik Milli Dram teatrının aktyoru Cümşüd Zeynalov məlumat verib.

O, bu gün evində dünyasını dəyişib.

Bərdədə pendir sexində partlayış baş verib.

Xəbərə görə, hadisə sexın qazanxanasında qeydə alınıb.

Partlayış nəticəsində nəzarətçi, 1960-cı il təvəllüdlü Teyyub Yusubov dünyasını dəyişib.

Hadisəyə qaz sızmasının səbəb olduğu deyilir.

Faktla bağlı araşdırma aparılır.

Bakının Nərimanov rayonunda evlərin birindən oğurluq olub.

Bu barədə Shir.az-a Daxili İşlər Nazirliyindən (DİN) məlumat verilib.

Bildirilib ki, zərərçəkən şəxs polisə müraciət edərək evindən 2000 avro, 100 dollar və 2700 qriven (113 manat) və 500 manat dəyərində qızıl-zinət əşyasının talanmasını bildirib.

Nərimanov RPİ 16-cı Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 45 yaşlı Qəbələ rayon sakini Y.Qrestsenyuk müəyyən olunaraq saxlanılıb.

Araşdırma aparılır.

Bakıda 42 yaşlı kişini elektrik cərəyanı vuraraq öldürüb.

Shir.az xəbər verir ki, 1983-cü il təvəllüdlü Nurlan Rəfail oğlu Məmmədov yaşadığı M.Hadi küçəsi ev 103 mənzil 86-da elektrik cərəyanı vurması nəticəsində ölüb.

Faktla bağlı araşdırma aparılır.

Ötən gün axtarışda olduğuna görə ümumilikdə 71 nəfər saxlanılıb.

Shir.az xəbər verir ki, bu barədə Daxili İşlər Nazirliyi məlumat yayıb.

Bildirilib ki, borclu şəxs qismində axtarışda olan 54 nəfər saxlanılaraq aidiyyəti üzrə təhvil verilib.

Narkotiklərlə əlaqəli 14, qanunsuz saxlanılan silah-sursatın götürülməsi və aşkarlanması ilə bağlı 10 fakt müəyyən edilib.

Cinayət törətməkdə şübhəli bilinən 46 nəfər saxlanılıb.

Dünəndən başlayan güclü külək ölkəmizdə bir sıra fəsadlara yol açıb. Nəticədə bir neçə ağac aşıb. Ağaclardan birinin aşması nəticəsində qadın xəsarət alıb.

Shir.az Trendə istinadən xəbər verir ki, bu barədə TƏBİB məlumat yayıb.

Bildirilib ki, 11.09.2025-ci il tarixində saat 15:00 radələrində Respublika Təcili və Təxirəsalınmaz Tibbi Yardım Mərkəzinə Binəqədi rayonu, S.S.Axundov küçəsindən ağacın aşması səbəbilə çağırış qeydə alınıb.

"Təcili tibbi yardım briqadası tərəfindən 31 yaşlı şəxsə (qadın cinsli) bədənin müxtəlif nahiyələrinin küt travması diaqnozu ilə yerində zəruri tibbi xidmət göstərilib", - deyə məlumatda qeyd edilib.