Lənkəran rayonunda mənzildə kişi meyiti tapılıb. Shir.az xəbər verir ki, meyit Lənkəran rayonunun Liman şəhəri ərazisində aşkarlanıb. Meyitin 1959-cu il təvəllüdlü Bayraməli Şikar oğlu Nəcəfova aid olduğu məlum olub. Onun 20 günə yaxındır itkin düşdüyü söylənilir. Hazırda hüquq-mühafizə orqanlarının əməkdaşları hadisə yerindədir. Faktla bağlı araşdırma aparılır.
Rusiyanın Yekaterinburq şəhərində yük maşını ilə minik avtomobilinin toqquşması nəticəsində 4 nəfər ölüb. Shir.az TASS-a istinadən xəbər verir ki, bu barədə Rusiya Federasiyasının Sverdlovsk vilayəti üzrə Dövlət Yol Müfəttişliyinin mətbuat xidməti məlumat yayıb. “Qəza nəticəsində avtomobilin sürücüsü 19 yaşlı kişi və onun üç sərnişini hadisə yerində keçiniblər. Yük maşınının sürücüsü xəsarət almayıb”, – məlumatda bildirilib. Faktla bağlı araşdırma aparılır.
Adriatik dənizinin Albaniya sahilində 4,5 maqnitudalı zəlzələ qeydə alınıb. Shir.az xəbər verir ki, bu barədə Avropa-Aralıq dənizi Seysmoloji Mərkəzi bildirib. Mərkəzin verilənlərinə əsasən, yeraltı təkanların episentri 24,8 min nəfərin yaşadığı Lyaçi şəhərindən 26 km qərbdə yerləşib. Zəlzələnin ocağı 12 km dərinlikdə olub. Tələfat və dağıntılar barədə məlumat yoxdur. Sunami təhlükəsi elan olunmayıb.
Ağdamda intihar hadisəsi baş verib. Shir.az xəbər verir ki, hadisə rayonun Birinci Yüzbaşılı kəndində qeydə alınıb. Təxminən 50 yaşlarında olan Natiq Sabir oğlu Əhmədov yaşadığı evin həyətində yerləşən tövlədə özünü asaraq canına qəsd edib. Hazırda araşdırma aparılır.
Xacmaz rayonunun Nabran kəndində fərdi yaşayış evində partlayış baş verib. Shir.az xəbər verir ki, hadisə zamanı həmin evdə olan Tovuz rayon sakinləri 33 yaşlı Elşən Müzəffərzadə, 32 yaşlı Növrəstə Namazova və 2 yaşlı Mərd Mirzəzadə müxtəlif dərəcəli xəsarətlər alıb. İlkin məlumata görə, partlayış qaz sızması nəticəsində baş verib. Hazırda fakt araşdırılır.
Hacıqabul rayonunda Türkiyədən olan iki yaşlı uşaq ölüb. Shir.az -ın məlumatına görə, hadisə ötən gün axşam saatlarında rayonun Nəvahi kəndində baş verib. Belə ki, Türkiyə vətəndaşı, 2022-ci il təvəllüdlü Damla Rəhimoğlunun həkiməqədər ölüm faktı qeydə alınıb. Üzərində heç bir zorakılıq əlaməti aşkar olunmayan uşağın pnevmaniyadan öldüyü bildirilir. Faktla bağlı araşdırma aparılır.
Xalq artisti Ağadadaş Ağayevlə bağlı baş verən insidentin bəzi təfərrüatı məlum olub. Shir.az -ın əldə etdiyi məlumata görə, hadisə Binəqədi rayonu ərazisində Xalq artisti Ağadadaş Ağayevin yaşadığı binanın həyətində, özəl klinika ilə üzbəüz yerləşən ərazidə baş verib. Xəstəlikdən əziyyət çəkən Xalq artistinin halı pisləşdiyi üçün klinikadan yardım istəyib. Evinin eyvanına çıxan Ağadadaş Ağayev xəstəxananın personalına müraciətlə vəziyyətinin pis olduğunu, təcili həkim yardımına ehtiyacının
Xırdalanda qatar vurması nəticəsində azyaşlının ölməsi faktı ilə bağlı araşdırma aparılır
(23-07-2024, 11:39)
(23-07-2024, 11:39)
Xırdalanda qatar vurması nəticəsində azyaşlının ölməsi faktı ilə bağlı araşdırma aparılır. Bu barədə Shir.az -a Baş Prokurorluğun Mətbuat xidmətindən məlumat verilib. Bildirilib ki, iyulun 22-də Bakı-Xırdalan-Sumqayıt marşrutunda hərəkətdə olan qatarın Xırdalan şəhəri ərazisindən keçən zaman yetkinlik yaşına çatmayan şəxsi vurması və onun aldığı xəsarətlərdən ölməsi faktı ilə bağlı Abşeron rayon prokurorluğunda araşdırma aparılır.
Qax rayonunda iki yaşlı körpə dərmandan zəhərlənib. Shir.az xəbər verir ki, Qax şəhərində yaşadığı evdə nəzarətsiz qalan 2022-ci il təvəllüdlü A.Nemətzadə qəbzlik əleyhinə dərmanları içib. Nəticədə zəhərlənən körpə xəstəxanaya yerləşdirilib.
Sumqayıtda 14 gün əvvəl yıxılan 75 yaşlı kişi xəstəxanada ölüb. Shir.az məlumat verir ki, Sumqayıt şəhər sakini, 1949-cu il təvəllüdlü Kamal Astan oğlu Həsənov 14 gün öncə 10-cu mikrorayonda yıxılıb. O, Sumqayıt şəhər Təcili Tibbi Yardım Xəstəxanasına çatdırılıb. Aparılan müayinə və müalicələrə baxmayaraq, onun həyatını xilas etmək mümkün olmayıb. Faktla bağlı araşdırma aparılır.
