Rusiya vətəndaşı Bakıda xəstəxanada ölüb. Shir.az xəbər verir ki, hadisə Qaradağ rayonu ərazisində qeydə alınıb. Belə ki, Rusiya vətəndaşı Akif Əliyev iyulun 8-də küçədə ağır vəziyyətdə aşkarlanıb və xəstəxanaya yerləşdirilib. Həkimlərin səylərinə baxmayaraq, o, avqustun 8-də xəstəxanada ölüb. A.Əliyevin tüfeyli həyat sürdüyü bildirilir. Faktla bağlı araşdırma aparılır.
Naftalanda itkin düşən 34 yaşlı kişi tapılıb. Shir.az -ın məlumatına görə, Naftalan şəhər polis əməkdaşlarının keçirdikləri tədbirlərlə itkin düşən 1990-cı il təvəllüdlü Rəşad Talıbov tapılıb. Axtarışlar dayandırılıb.
Birinci Qarabağ müharibəsi şəhidi Xəqani Aslanovun oğlu Cəsarət Aslanov vəfat edib. Shir.az xəbər verir ki, bu barədə onun yaxınları məlumat veriblər. Bildirilib ki, C.Aslanov elektrik cərəyanı vurması nəticəsində həyatını itirib. Qeyd edək ki, Xəqani Aslanov 1992-ci ilin fevralın 26-sı Xocalıda qəhrəmancasına həlak olub. Onun digər iki qardaşı Hasil və Vidadi Aslanovlar isə eyni gündə, 1993-cü ilin 23 iyulunda Ağdam işğal olunduğu gün şəhid olublar.
Şəkidə intihar hadisəsi olub. Shir.az -ın məlumatına görə, hadisə Aşağı Göynük kəndində qeydə alınıb. Kənd sakini F. Əhmədova səhər saat 7 radələrində evin həyətindəki qoz ağacından özünü asıb. Onun asılmış meyitini ailə üzvləri aşkar ediblər. Məlumata görə, qadın psixoloji xəstəlikdən əziyyət çəkib. Faktla bağlı araşdırma aparılır.
Avqustun 6-da gecə saat 2 radələrində paytaxtın Nəsimi rayonu ərazisində 2000-ci il təvəllüdlü Kamal İbrahimovun kəsilmiş-deşilmiş xəsarətlə xəstəxanaya gətirilməsi barədə polisə məlumat daxil olub. Bu barədə Shir.az -a Daxili İşlər Nazirliyinin (DİN) Mətbuat Xidmətindən məlumat verilib. Bildirilib ki, cinayət əməlini törətməkdə şübhəli bilinən əvvəllər qəsdən sağlamlığa ağır və az ağır zərər vurma cinayətlərinə görə məhkum olunmuş 2005-ci il təvəllüdlü Valeh Kazımov polis əməkdaşları
Bakıda intihar hadisəsi olub. Shir.az -ın məlumatına görə, hadisə Xəzər rayonu Mərdəkan qəsəbəsində baş verib. S. Tağıyev evin həyətindəki su çəninin dəmir konstruksiyasından özünü asaraq, həyatına son qoyub. Onun asılmış meyitini ailə üzvləri aşkar ediblər.
Göyçayda iki gün əvvəl ağacdan yıxılan kişi ölüb. Shir.az xəbər verir ki, hadisə avqustun 4-də rayonun Bığır kəndində qeydə alınıb. 1951-ci il təvəllüdlü Məmmədov Tahir Abdulla oğlu yaşadığı evin həyətyanı sahəsində ağacdan yıxılaraq xəsarət alıb. O, xəstəxanaya yerləşdirilib və göstərilən tibbi yardımlara baxmayaraq orada ölüb. Faktla bağlı araşdırma aparılır.
Şahbuz rayonunda güclü yanğın baş verib, bir-birinə yaxın olan evlər yanıb. Shir.az Nuhçıxan-a istinadən xəbər verir ki, yanğın rayonun Biçənək kəndində qeydə alınıb. Yanğının söndürülməsi üçün hazırda Naxçıvan Muxtar Respublikası Fövqəladə Hallar Nazirliyinin əməkdaşları əraziyə cəlb olunub. İlkin məlumata görə, kənddə bir-birinə bitişik olan 3 ev yanıb.
Xocalı soyqırımı zamanı səkkiz gün erməni girovluğunda qalmış Dürdanə Ağayeva vəfat edib. Shir.az xəbər verir ki, bu barədə sosial şəbəkədə məlumat paylaşılıb. O, uzunsürən xəstəlikdən sonra dünyasını dəyişib. Qeyd edək ki, Dürdanə Ağayeva 4 ildir xərçəng xəstəliyindən əziyyət çəkirdi.
Sumqayıtda ana və azyaşlı övladı qidadan zəhərlənib. Shir.az xəbər verir ki, hadisə "Ceyranbatan bağları" adlanan ərazidə yerləşən fərdi yaşayış evlərinin birində qeydə alınıb. Sumqayıt şəhər sakinləri, 1997-ci il təvəllüdlü Mərdanova Aişə Adil qızı və övladı, 2022-ci il təvəllüdlü Mərdanov Əli Səxavət oğlu yaşadıqları evdə yedikləri qidadan zəhərləniblər. Onlar xəstəxanaya çatdırılıb. Ana və övladının ət məhsulundan zəhərləndiyi ehtimal olunur.
