Azərbaycan Ordusunun zabiti həlak olub. Bu barədə Shir.az -a Müdafiə Nazirliyindən xəbər verilib. “Azərbaycan Ordusunun zabiti Seydullah Sadiq oğlu Məhərrəmovun baş vermiş bədbəxt hadisə nəticəsində həlak olması ilə bağlı məlumatı təsdiq edirik. Faktla bağlı araşdırma aparılır. Müdafiə Nazirliyinin rəhbərliyi həlak olan hərbi qulluqçumuzun ailəsinə və yaxınlarına dərin hüznlə başsağlığı verir, səbir diləyir. Allah rəhmət eləsin!” - deyə məlumatda bildirilib.
Türkiyənin Malatya bölgəsində 4.3 bal gücündə zəlzələ baş verib. Shir.az xəbər verir ki, bu barədə Türkiyə mediası məlumat yayıb. Bildirilib ki, zəlzələ yerli vaxtla saat 12:54-də, yerin 14,27 km dərinliyində qeydə alınıb. Dağıntı və tələfat yoxdur.
Cari il aprelin 7-də Goranboy rayon sakini 1975-ci il təvəllüdlü Alidə Kazımovanın qəsdən öldürülməsi faktı ilə bağlı rayon prokurorluğunda başlanmış cinayət işinin istintaqı tamamlanıb. Goranboy rayon prokurorluğundan Shir.az-a verilən məlumata görə, istintaqla 2005-ci il təvəllüdlü Şahin Əmrahovun rayonun Tatarlı kəndində yerləşən fərdi yaşayış evində aralarında yaranmış mübahisə zamanı bıçaqla xəsarətlər yetirərək anası Alidə Kazımovanı qəsdən öldürməsinə əsaslı şübhələr müəyyən edilib.
Bakıda baş həkimin otağına benzin törkərək yandırmaqda şübhəli bilinən şəxs saxlanılıb. Bu barədə Shir.az -a Daxili İşlər Nazirliyinin mətbuat xidmətindən bildirilib. Qeyd edilib ki, hadisəni törətməkdə şübhəli bilinən 1984-cü il təvəllüdlü Rüfət Rəhimov polis əməkdaşları tərəfindən saxlanılıb. Araşdırma aparılır.
Bakıda xəstə baş həkimdən sənəd ala bilmədiyi üçün həkimin otağına benzin tökərək yandırıb. Shir.az xəbər verir ki, hadisə 9 saylı şəhər poliklinikasında qeydə alınıb. Əraziyə Fövqəladə Hallar Nazirliyinin əməkdaşları cəlb olunub, yanğının söndürülməsi istiqamətində iş aparılır. Xəsarət alanların olmadığı bildirilir, əlavə məlumat veriləcək.
Bu barədə Shir.az -a Daxili İşlər nazirliyinin mətbuat xidmətindən məlumat verilib. Məlumatda bildirilir ki, Abşeron Rayon Polis İdarəsi əməkdaşlarının keçirdikləri tədbirlərlə iyunun 28-də Xırdalan şəhəri ərazisində yerləşən anbarların birindən 10.000 manat dəyərində təmir-tikinti avadanlıqları oğurlamaqda şübhəli bilinən, əvvəllər də eyni əmələ görə məhkum olunmuş Samir Orucov müəyyən olunaraq saxlanılıb. Araşdırma aparılır.
Sumqayıtda 3 fəhlə qazdan zəhərlənib. Shir.az Report-a istinadla xəbər verir ki, hadisə şəhər ərazisində yerləşən istehsalat müəssisələrinin birində qeydə alınıb. Belə ki, Sumqayıt sakinləri - 1989-cu il təvəllüdlü Rəşad Şahvələd oğlu Heydərov, 1992-ci il təvəllüdlü Valeh Balaş oğlu Talıbov və Lerik rayon sakini 1989-cu il təvəllüdlü Anar Mütəllim oğlu Talıbov işlədikləri istehsalat qazından zəhərləniblər. Onlar xəstəxanaya çatdırılıb. Faktla bağlı araşdırma aparılır.
Fövqəladə Hallar Nazirliyinin “112" qaynar telefon xəttinə Bakı şəhəri, Nərimanov rayonu, Faiq Yusifov küçəsində yaşayış binasında yanğın baş verməsi barədə məlumat daxil olub və dərhal FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri çağırış üzrə cəlb olunub. FHN-dən verilən məlumata görə, yanğınsöndürənlərin çevik müdaxiləsi sayəsində binanın şaxtasında baş vermiş yanğın mənzillərə keçməsinə imkan verilmədən qısa müddətdə söndürülüb. Yanğın nəticəsində
Türkiyənin Muğla şəhərinin Qırxağac (Kırkağaç) rayonunda meşə yanır. Shir.az xəbər verir ki, bu barədə “Habertürk” məlumat yayıb. Bildirilib ki, yanğının söndürülməsinə 4 təyyarə, 4 helikopter, 15 su tankeri, 7 su təchizatı çəni və 1 dozer cəlb olunub. Yanğının söndürülməsi üçün havadan və qurudan müdaxilə edilir. Həmçinin Manisa şəhərində də meşə yanır. Oradakı yanğının söndürülməsi istiqamətində də işlər davam edir. Yanğınların səbəbi hələ məlum deyil.
Azərbaycanda (ADPU) IV kurs tələbəsi vəfat edib. Shir.az xəbər verir ki, bu barədə universitet məlumat yayıb. Qeyd olunub ki, ADPU-nun Məktəbəqədər Təhsil fakültəsinin "Korreksiyaedici təlim" ixtisası üzrə son kurs tələbəsi Mehri Məhəmmədova dünyasını dəyişib. Onun qəfil ürəktutmasından öldüyü bildirilib.
