Avropa ölkələrində koronavirusa yoluxanların sayı artmağa başlayıb. Shir.az xarici mətbuata istinadən xəbər verir ki, son bir həftə ərzində Britaniyada yoluxanların sayı 100 minə çatıb. Digər ölkələrdə də yoluxmuş insanların sayında artım müşahidə olunur. Edinburq Universitetinin yoluxucu xəstəliklər epidemiologiyası professoru Mark Vulhauz xəbərdarlıq edir ki, virusun yeni dalğaları immunitetin qismən zəifləməsi nəticəsində yaranır. Boğaz ağrısı, burun tıxanıqlığı, baş ağrıları və öskürək
Türkiyə Xarici İşlər Nazirliyi (XİN) İsmayıl Haniyənin ölümündən sonra Xalid Məşəli HƏMAS Siyasi bürosunun rəhbəri vəzifəsini icra edən şəxs adlandırıb. Shir.az xəbər verir ki, bu barədə Türkiyə KİV-i məlumat yayıb. “Türkiyənin xarici işlər naziri Hakan Fidan Qətərin paytaxtı Dohada HƏMAS Siyasi bürosunun rəhbəri vəzifəsini icra edən Xalid Məşəl ilə görüşüb və Haniyənin ölümü ilə əlaqədar ona başsağlığı verib”, - nazirliyin məlumatında bildirilib.
Azərbaycan Premyer Liqasında 2024/2025 mövsümünün təqvimində dəyişiklik olub. Shir.az -ın məlumatına görə, bu barədə Peşəkar Futbol Liqasının rəsmi saytı məlumat yayıb. I turun "Şamaxı" - "Sabah" oyunu ilə XVIII turun "Sabah" - "Şamaxı" matçının yeri dəyişdirilib. Paytaxt təmsilçisi bununla bağlı PFL-ə rəsmi müraciət ünvanlayıb, bölgə klubu isə buna razılıq verib. Bu, Bakı klubunun UEFA Konfrans Liqasında III təsnifat mərhələsinə daha yaxşı hazırlaşması
Ermənistan-Gürcüstan sərhədində 3 maqnitudalı zəlzələ qeydə alınıb. Shir.az xəbər verir ki, zəlzələ avqustun 2-də saat 10:44-də Bavra kəndindən 16 km şimal-şərqdə baş verib. Təkanlar Şirak rayonunun Bavra, Saraqyux, Qazançı, Aşotsk və Musayelyan kəndlərində 2-3 bal gücündə hiss olunub.
İranın vitse-prezidenti Məhəmmədreza Arif Tehranda öldürülən HƏMAS lideri İsmayıl Haniyənin dəfnində iştirak etmək üçün Qətərin paytaxtı Dohaya gedib. Shir.az xəbər verir ki, bu barədə İRNA məlumat yayıb. Bildirilib ki, onunla vida mərasimi Dohada Məhəmməd bin Abdul Vahhab məscidində keçiriləcək. Mərhuma məsciddə cənazə namazı qılınacaq. İsmayıl Haniyə Dohanın şimalındakı Lusaile qəbiristanlığında dəfn ediləcək. Qeyd edək ki, iyulun 31-i saat 02 radələrində İsmayıl Haniyə Tehranda
Növbəti mərhələdə Laçın sakinlərinin Güləbird kəndinə köçürülməsinə başlanılacaq. Kəndə köç bu ilin ikinci yarısında həyata keçiriləcək. Shir.az xəbər verir ki, bunu Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov Laçında keçirilən “Gənclər Yaşıl Dünya Naminə” Diaspor Gənclərinin V Yay Düşərgəsinin rəsmi açılış mərasimində deyib. Prezidentin xüsusi nümayəndəsi bildirib ki, rayonun Qorçu, Şəlvə, Ərikli və digər kəndlərinin də tikintisinə başlanılacaq.
Gələn həftədən növbədənkənar parlament seçkiləri ilə əlaqədar seçkiqabağı təşviqat kampaniyasına başlanılacaq. Shir.az xəbər verir ki, bu, Mərkəzi Seçki Komissiyasının "Milli Məclisə növbədənkənar seçkilərin keçirilməsi üzrə əsas hərəkət və tədbirlərin Təqvim Planı"nda öz əksini tapıb. Seçkiqabağı təşviqatın aparılması qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların
Avropa İttifaqı (Aİ) “Xarici təsirin şəffaflığı haqqında” qanunun tətbiqindən sonra Gürcüstan hökumətinə maliyyə yardımının tamamilə dayandırılması imkanını nəzərdən keçirir. Shir.az Gürcüstan KİV-inə istinadən xəbər verir ki, bunu "Europa Press" agentliyinə müsahibəsində Aİ-nin Xarici Siyasət Xidmətinin nümayəndəsi Piter Stano deyib. “Biz Gürcüstan hökumətinə maliyyə yardımını dayandırmaq imkanını nəzərdən keçiririk”, - o bildirib. Stanonun sözlərinə əsasən, Aİ Gürcüstandakı
Bərdə şəhərində intihar olub. Shir.az -ın məlumatına görə, hadisə şəhərin S. Zöhrabbəyov küçəsində qeydə alınıb. 26 yaşlı O. Vəlizadə yaşadığı evin həyətindəki su çəninin dayaq dəmirindən özünü asıb.
Azərbaycan Könüllülər İctimai Birliyi tərəfindən həyata keçirilən “Yaşıl Könüllülər” layihəsinə yekun vurulub. Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə keçirilən və üç ay davam edən layihənin məqsədi gənclər arasında ekoloji maarifləndirmə işini genişləndirmək, gəncləri ekologiya sahəsində məlumat daşıyıcısı kimi formalaşdırmaqla yanaşı, fəaliyyətə həvəsləndirmək, onları ətraf mühitin qayğısına qalmağa təşviq etməklə asudə
