İngiltərənin "Tottenhem" klubu futbolçusu İv Bissumanı qeyri-müəyyən müddətə heyətdən kənarlaşdırıb.

Shir.az "The Athletic" nəşrinə istinadən xəbər verir ki, buna 27 yaşlı yarımmüdafiəçinin "əyləndirən qaz"dan istifadə etməsi səbəb olub.

Malidən olan oyunçu Premyer Liqanın I turunda "Lester"lə matçda iştirak etməyəcək.

27 yaşlı oyunçu sosial şəbəkə hesabında "əyləndirən qaz"dan istifadə etdiyi videonu yayımlamışdı. O, daha sonra buna görə üzr istəyib.

"Əyləndirən qaz" Böyük Britaniyada narkotik kimi təsnif edilir. 2023-cü ildən onun əyləncə məqsədi ilə istifadəsi qadağan olunub.

Qeyd edək ki, İv Bissuma 2022-ci ildə 29,2 milyon avro qarşılığında "Brayton"dan "Tottenhem"ə keçib.