Dini Qurumlarla İş üzrə Dövlət Komitəsinin sədri Ramin Məmmədov 19-22 avqust tarixlərində Braziliyada keçiriləcək G20 Dinlərarası Forumda (IF20) iştirak edəcək.
Komitədən Shir.az-a verilən məlumata görə, dini sahədə qlobal məsələlərin müzakirə olunduğu Forumun gündəliyinə dayanıqlı inkişaf, yoxsulluq və bərabərsizliklə mübarizə, qlobal idarəetmə islahatları, münaqişələrin həlli, qlobal iqtisadi məsələlər, ərzaq təhlükəsizliyi, iqlim dəyişikliyi ilə bağlı mövzular daxildir.
Bildirilib ki, tədbirdə ümumilikdə 300-ə yaxın qonağın iştirakı gözlənilir. 2014-cü ildən etibarən hər il keçirilən G20 Dinlərarası Forumu dini məsələlərlə məşğul olan qurumlara və tədqiqat institutları şəbəkəsinə BMT-nin dayanıqlı inkişaf məqsədləri ilə bağlı müzakirə platforması təqdim edir.
