Uşaq zorakılığına qarşı hüquqi və ictimai səviyyədə mübarizə vacibdir. Bu hadisə susaraq keçiləcək deyil, cavab tələb edən faciədir.

Sabirabadda baş verən dəhşətli hadisə bir babanın öz 4 yaşlı nəvəsinə qarşı etdiyi qeyri-insani hərəkətlər - yalnız hüquqi cinayət deyil, mənəvi və insani faciədir. Bu, bir uşağın ruhuna, etibarına və gələcəyinə vurulan sağalmaz yaradır.

Uşaq ailədə qorunmalı, sevgi və güvən içində böyüməlidir. Amma bu hadisə göstərdi ki, bəzən təhlükə elə ən yaxınlardan gəlir. Bu, tək bir ailənin yox, bütöv bir cəmiyyətin acısıdır.

Bu hadisə bizə nəyi öyrədir?

- Valideynlər daha diqqətli və məsuliyyətli olmalıdır.
- Hüquq-mühafizə orqanları bu tip hallara qarşı qətiyyətli olmalıdır.
- Media məsuliyyətli və maarifləndirici şəkildə yanaşmalıdır.
- Cəmiyyət susmamalı, zorakılıq şübhəsində dərhal reaksiya verməlidir.

Zorakılıq edən üçün “qohumluq” heç bir zaman qalxan ola bilməz! Qanun qarşısında cavab verməli, cəmiyyət qarşısında utanmalıdır!

Uşaqlar bizə əmanətdir - həm qanun, həm də vicdan qarşısında.

Zorakılığa səssiz qalmayaq. Vicdan susmasın!

Nazlı Onur