08 oktyabr 2025-ci il tarixində Bakı şəhəri Nərimanov rayonu Rafiq Nəsrəddinov adına 39 nömrəli tam orta məktəbdə Daxili İşlər Nazirliyi Polis Akademiyasının Hüquq fakültəsinin kurs rəisi, polkovnik Mehman Əhməd oğlu Həsənov və Nərimanov RPİ-nin Yetkinlik Yaşına Çatmayanlarla İş və Uşaq Problemləri üzrə əməkdaşı Elşad Nəbiyev IX-XI sinif şagirdləri ilə maarifləndirici görüş keçiriblər.
Shir.az xəbər verir ki, tədbirin əsas məqsədi gənclərin DİN sistemində təhsil və xidmətə marağının artırılması, onların düzgün peşə seçiminə dəstək verilməsi olub. Görüş zamanı Polis Akademiyasına qəbul qaydaları, tədris prosesi, maddi-texniki və sosial təminatla bağlı ətraflı məlumatlar təqdim edilib.
Şagirdlər, həmçinin, Polis Akademiyasına qəbul prosesi ilə bağlı öz suallarını ünvanlamaq imkanı əldə ediblər. Suallar peşəkar şəkildə cavablandırılıb, gənclərə dövlətə və vətənə sadiq vətəndaşlar kimi yetişmələri ilə bağlı tövsiyələr verilib.
Bu cür görüşlərin şagirdlərin hüquq sahəsinə marağının artırılmasında və sağlam düşüncəli, məsuliyyətli gənclərin formalaşmasında mühüm rolu vurğulanıb.
Nazlı Onur
