Yanvarın 23-də Daxili İşlər Nazirliyində 2025-ci ildə cinayətkarlığa qarşı mübarizə, ictimai qaydanın qorunması və ictimai təhlükəsizliyin təmin edilməsi üzrə görülmüş işlərin yekunlarına və cari ildə qarşıda duran vəzifələrə həsr olunmuş geniş Kollegiya iclası keçirilib.

Shir.az xəbər verir ki, iclasda ötən il ərzində daxili işlər orqanları tərəfindən cinayətkarlıqla mübarizə, hüquq qaydasının möhkəmləndirilməsi, vətəndaşların təhlükəsizliyinin təmin olunması istiqamətində həyata keçirilən tədbirlər ətraflı təhlil edilib. Eyni zamanda, mövcud vəziyyət, əldə olunan nəticələr və qarşıda duran prioritetlər müzakirə olunub.

Kollegiya iclasında cari ildə cinayətkarlığa qarşı mübarizənin daha da gücləndirilməsi, ictimai asayişin etibarlı qorunması, vətəndaş məmnunluğunun artırılması və hüquq-mühafizə fəaliyyətinin səmərəliliyinin yüksəldilməsi ilə bağlı konkret tapşırıqlar verilib.

İclasda həmçinin daxili işlər orqanlarının fəaliyyətinin təkmilləşdirilməsi, müasir çağırışlara uyğun tədbirlərin görülməsi və qanunçuluğun təmin edilməsi istiqamətində görüləcək işlər diqqətə çatdırılıb.