Məktəblilərin qış tətilinin başlama tarixi açıqlanıb.

Nazirlər Kabinetinin “Ümumi təhsil müəssisələrində tədris ilinin müddətinin təsdiq edilməsi haqqında” qərarına əsasən, qış tətili ənənəvi olaraq yanvar ayının son həftəsinə təsadüf edir.

Belə ki, 2025–2026-cı tədris ilində ümumi təhsil müəssisələrində təhsil alan şagirdlər üçün qış tətili 27–31 yanvar tarixlərini əhatə edəcək.

Tətil müddəti başa çatdıqdan sonra fevralın 1-i bazar gününə düşdüyü üçün şagirdlər ikinci yarımilə fevralın 2-dən etibarən başlayacaqlar.

Qeyd edək ki, qış tətili şagirdlərin istirahəti və dərs yükünün balanslaşdırılması məqsədi daşıyır.