Baş Prokurorluqda 2025-ci ilin yekunlarına dair Geniş Kollegiya iclası keçirilib

Shir.az xəbər verir ki, yanvarın 28-də Baş prokuror Kamran Əliyevin rəhbərliyi ilə Azərbaycan Respublikasının Prokurorluğu orqanlarında 2025-ci ildə görülmüş işlərin yekunlarına və qarşıda duran vəzifələrin müzakirəsinə həsr olunmuş Geniş Kollegiya iclası keçirilib.
İclasda prokurorluq orqanlarının qanunla müəyyən edilmiş səlahiyyətləri çərçivəsində ötən il ərzində həyata keçirilən fəaliyyət istiqamətləri üzrə görülmüş işlərin vəziyyəti təhlil edilib, mövcud problemlər və onların aradan qaldırılması yolları müzakirə olunub. Eyni zamanda, qarşıdakı dövr üçün prioritet vəzifələr və həyata keçirilməsi nəzərdə tutulan tədbirlər müəyyənləşdirilib.
Qeyd olunub ki, prokurorluq orqanları tərəfindən qanunun aliliyinin təmin edilməsi, insan və vətəndaş hüquq və azadlıqlarının qorunması, cinayətkarlığa qarşı mübarizənin gücləndirilməsi istiqamətində tədbirlər bundan sonra da davam etdiriləcək.