Azərbaycan–Ermənistan münasibətlərinin normallaşması istiqamətində real və praktiki irəliləyişlərin müşahidə olunduğu bir mərhələdə bəzi Avropa siyasi dairələrinin mövqeyi açıq şəkildə qərəzli və destruktiv xarakter alır.
Shir.az xəbər verir ki, bunu millət vəkili Novruz Aslan bildirib.
Deputatın sözlərinə görə, xüsusilə müəyyən Avropa ölkələrində fəaliyyət göstərən siyasi qrupların sülh prosesini kölgə altına almağa yönəlmiş ardıcıl addımları artıq təsadüfi yanaşma deyil, sistemli siyasi xətt kimi qiymətləndirilməlidir.
Novruz Aslan qeyd edib ki, Azərbaycan və Ermənistan liderlərinin Əbu-Dabidə konstruktiv və müsbət atmosferdə keçirilmiş görüşü ilə eyni gündə Fransa Senatının müharibə cinayətlərində ittiham olunan şəxslərin azadlığa buraxılmasına çağıran qətnamə qəbul etməsi siyasi məsuliyyətsizliyin və açıq ikili standartların bariz nümunəsidir.
Millət vəkili vurğulayıb ki, bu addım beynəlxalq humanitar hüququn fundamental prinsiplərinə zidd olmaqla yanaşı, on minlərlə azərbaycanlının həyatına son qoymuş ağır cinayətlərin faktiki olaraq legitimləşdirilməsinə yönəlmiş təhlükəli cəhddir. Onun fikrincə, bu cür yanaşma sülhə dəstək deyil, əksinə, cəzasızlığın təşviqi və revanşist düşüncələrin gücləndirilməsi deməkdir.
Deputat Fransa hökumətinin Senatın bu qərarına səssiz qalmasını da tənqid edib və bunun rəsmi Parisin ümumi siyasi kursundan kənar olmadığını göstərdiyini bildirib. O əlavə edib ki, özünü beynəlxalq hüququn və insan haqlarının müdafiəçisi kimi təqdim edən Fransanın selektiv yanaşması onun vasitəçilik iddialarını ciddi şəkildə şübhə altına alır.
Novruz Aslan, eyni zamanda, Avropa Parlamentində və bəzi Avropa ölkələrinin siyasi dairələrində qondarma strukturların “nümayəndələri” ilə təmasların davam etdirilməsini və “Qarabağ məsələsi bağlanmayıb” kimi bəyanatların səsləndirilməsini beynəlxalq hüquqa və Azərbaycanın ərazi bütövlüyünə açıq hörmətsizlik kimi qiymətləndirib.
Millət vəkili sonda vurğulayıb ki, Qarabağ münaqişəsi artıq tarixə qovuşmuş bir mərhələdir və bu reallığı inkar etmək cəhdləri regionda gərginliyin süni şəkildə saxlanmasına xidmət edir. Onun sözlərinə görə, Azərbaycan beynəlxalq hüquqa, suverenliyinə və sülh prinsiplərinə əsaslanan mövqeyindən geri çəkilməyəcək.
xəbər verir ki, bunu millət vəkili Novruz Aslan bildirib.
Deputatın sözlərinə görə, xüsusilə müəyyən Avropa ölkələrində fəaliyyət göstərən siyasi qrupların sülh prosesini kölgə altına almağa yönəlmiş ardıcıl addımları artıq təsadüfi yanaşma deyil, sistemli siyasi xətt kimi qiymətləndirilməlidir.
Novruz Aslan qeyd edib ki, Azərbaycan və Ermənistan liderlərinin Əbu-Dabidə konstruktiv və müsbət atmosferdə keçirilmiş görüşü ilə eyni gündə Fransa Senatının müharibə cinayətlərində ittiham olunan şəxslərin azadlığa buraxılmasına çağıran qətnamə qəbul etməsi siyasi məsuliyyətsizliyin və açıq ikili standartların bariz nümunəsidir.
Millət vəkili vurğulayıb ki, bu addım beynəlxalq humanitar hüququn fundamental prinsiplərinə zidd olmaqla yanaşı, on minlərlə azərbaycanlının həyatına son qoymuş ağır cinayətlərin faktiki olaraq legitimləşdirilməsinə yönəlmiş təhlükəli cəhddir. Onun fikrincə, bu cür yanaşma sülhə dəstək deyil, əksinə, cəzasızlığın təşviqi və revanşist düşüncələrin gücləndirilməsi deməkdir.
Deputat Fransa hökumətinin Senatın bu qərarına səssiz qalmasını da tənqid edib və bunun rəsmi Parisin ümumi siyasi kursundan kənar olmadığını göstərdiyini bildirib. O əlavə edib ki, özünü beynəlxalq hüququn və insan haqlarının müdafiəçisi kimi təqdim edən Fransanın selektiv yanaşması onun vasitəçilik iddialarını ciddi şəkildə şübhə altına alır.
Novruz Aslan, eyni zamanda, Avropa Parlamentində və bəzi Avropa ölkələrinin siyasi dairələrində qondarma strukturların “nümayəndələri” ilə təmasların davam etdirilməsini və “Qarabağ məsələsi bağlanmayıb” kimi bəyanatların səsləndirilməsini beynəlxalq hüquqa və Azərbaycanın ərazi bütövlüyünə açıq hörmətsizlik kimi qiymətləndirib.
Millət vəkili sonda vurğulayıb ki, Qarabağ münaqişəsi artıq tarixə qovuşmuş bir mərhələdir və bu reallığı inkar etmək cəhdləri regionda gərginliyin süni şəkildə saxlanmasına xidmət edir. Onun sözlərinə görə, Azərbaycan beynəlxalq hüquqa, suverenliyinə və sülh prinsiplərinə əsaslanan mövqeyindən geri çəkilməyəcək.
