Shir.az xəbər verir ki, onlardan 5-i ilk onluqda olan ali təhsil müəssisələrində təhsil alacaq:
1. Aydın Tahirzadə (2024-cü il məzunu) İsveçrə Federal Texnologiya İnstitutunun (ETH Sürix) tətbiqi geofizika ixtisasında magistratura təhsili alacaq. “ETH Sürix” dünya reytinqində ilk 7-ci yerdə qərarlaşıb. Aydın 2019-cu ildə 653.5 balla BANM-in neft-qaz mühəndisliyi ixtisasına qəbul olub.
Tələbəlik illərində BANM-in İntellektual Oyunlar Klubuna sədrlik edib.
2. Elza Qurbanova (2024-cü il məzunu) Britaniyanın London Universitet Kollecinin (UCL) informasiya təhlükəsizliyi ixtisasında magistratura təhsili alacaq. UCL dünya reytinqində ilk 9-cu yerdə qərarlaşıb. Elza 2019-cu ildə 688.6 balla BANM-in informasiya təhlükəsizliyi ixtisasına qəbul olub. Prezident təqaüdçüsü idi. Tələbəlik illərində “Kiber klub”un sədri olub. Bununla yanaşı, London İmperial Kolleci, London Kral Kolleci, Şeffild Universiteti və Birminhem Universitetinə qəbul alıb.
3. Aytac Əsgərova (2024-cü il məzunu) Britaniyada UCL-in kimyəvi proses mühəndisliyi ixtisasında magistratura təhsili alacaq. Aytac 2019-cu ildə 656.3 balla BANM-in kimya mühəndisliyi ixtisasına qəbul olub. Tələbəlik illərində IELTS imtahanından 8.5, magistraturaya qəbul imtahanından isə 96 bal toplayaraq hər iki cəhd üzrə respublika birincisi olub.
4. Əli Məmmədov (2024-cü il məzunu) Britaniyanda UCL-in kimyəvi proses mühəndisliyi ixtisasında magistratura təhsili alacaq. 2019-cu ildə 655 balla BANM-in kimya mühəndisliyi ixtisasına qəbul olub. Tələbəlik illərində SOCAR-ın bir sıra müəssisə və zavodlarında istehsalat təcrübəsi keçib.
5. Şəkər Qədirli (2023-cü il məzunu) Britaniyanda UCL-in informasiya təhlükəsizliyi ixtisasında magistratura təhsili alacaq. 2018-ci ildə 700 balla BANM-in informasiya təhlükəsizliyi ixtisasına qəbul olub. Prezident təqaüdçüsü idi. Tələbəlik illərində IELTS imtahanından 8.0 toplayıb.“KiberLüğət” layihəsinin müəllifidir. Bundan başqa, London Kral Kollecinin, Lankaster Universiteti, Birminhem Universiteti və Praqada Çex Texniki Universitetinə qəbul alıb.
Hazırda “Iktex” MMC-də Kibertəhlükəsizlik üzrə analitik kimi çalışır.
