Ümumdünya Səhiyyə Təşkilatının (ÜST) AB-dəki nümayəndəsi Oksana Domenti Azərbaycanın Belçika və Lüksemburqdakı səfirliyi, Azərbaycanın AB yanında nümayəndəliyinə və BMT İnkişaf Proqramının (BMT İP) AB-dəki nümayəndəliyinə təşəkkürünü bildirib.

Shir.az xəbər verir ki, bu barədə ÜST-nin rəsmisi sosial şəbəkədə yazıb.

“Azərbaycan səfiri zati-aliləri Vaqif Sadıqov və BMT İP-nin AB-dəki nümayəndəliyinə Brüsseldə bu mühüm tədbiri təşkil etdiyinə və iqlim və səhiyyə perspektivlərini bölüşmək imkanına görə çox təşəkkür edirik”, – o qeyd edib.

Xatırladaq ki, iyulun 10-da Azərbaycanın AB yanındakı nümayəndəliyi ilə Birləşmiş Millətlər Təşkilatının İnkişaf Proqramının (UNDP) AB-dəki nümayəndəliyi ilə birgə “Ambisiya, həyata keçirmə və inklüzivlik vasitəsilə iqlim fəaliyyətinin gücləndirilməsi” mövzusunda konfrans təşkil ediblər.