Milli Məclisin deputatı Novruzəli Aslanov 23 aprel 2025-ci il tarixində İsmayıllıda növbəti dəfə yerli sakinlərlə görüş keçirib.

Shir.az xəbər verir ki, bu görüş rayonun Kürdeldarbəyli kəndində baş tutub. Qəbulda yaxınlıqda yerləşən qonşu Gideyli kəndinin də sakinləri iştirak ediblər.

Tədbirin gedişində vətəndaşları narahat edən sosial yönümlü məsələlər və şəxsi müraciətlər müzakirə olunub. Xüsusən Kürdeldarbəyli kəndinin içməli su ilə təchizatında müəyyən problemlərin olduğu deputatın diqqətinə çatdırılıb. Novruzəli Aslanov sakinlər tərəfindən qaldırılan sosial yönümlü məsələləri və şəxsi müraciətləri qeydə alaraq onların həlli məqsədilə müvafiq tədbirlərin görüləcəyini bildirib.

Deputat Novruzəli Aslanovun keçirdiyi qəbulda iştirak edən Kürdeldarbəyli və Gideyli kəndlərinin sakinləri, eləcə də rayon ictimaiyyətinin nümayəndələri Ölkə Prezidenti cənab İlham Əliyevə və Birinci vitse-prezident Mehriban xanım Əliyevaya rayonlarına göstərilən diqqət və qayğıya görə minnətdarlıqlarını bildiriblər.