Son zamanlar sosial şəbəkələrdə və gündəlik həyatda müşahidə etdiyim acı bir reallıq var: kim Vətənini, Dövlətini, Prezidentini sevə-sevə, qürurla ifadə edirsə, dərhal yersiz ittihamlarla qarşılaşır. “Yaltaq”, “şəxsi maraq güdən”, “gözə girmək istəyən” kimi qərəzli etiketləmələr təəssüf ki, artıq adi hala çevrilib.

Halbuki bu sevgini ifadə etmək nə təbliğatdır, nə də şəxsi məqsədlərə xidmət edir. Bu, sadəcə inamın, güvənin, mənəvi borcun və Vətənə bağlılığın təzahürüdür. Vətən sevgisi-yaltaqlıq deyil, şəxsiyyətin formalaşmasında təməl bir dəyərdir. Mən bu dövlətdə doğulmuşam, bu torpaqda nəfəs alıram, əsgərim bu torpaqda can verib. Dövlətimin başçısına inanıramsa, bu, mənim haqqımdır!

Əgər kiminsə dövlətinə qarşı nifrəti varsa, bu onun şəxsi problemidir. Amma bu nifrəti ümumiləşdirib, sevgi göstərənləri “yaltaqlıqla” ittiham etmək - dar düşüncənin, milli kimlik böhranının, ruhsal narahatlığın göstəricisidir.

Vətəni sevməkdən, Prezidentinə güvənməkdən utanmayan insanları susdurmaq istəyənlərə cavab sadədir:  
Ayıb bizə deyil, ayıb sizədir.

Əslində sizi yandıran - bizim sevgimiz deyil, sizin iç dünyanızda yanmaqda olan paxıllıq, qəzəb və boşluqdur.

Sonda bir daha deyirəm:  
Dövlətimə, Bayrağıma, Prezidentimə sevgimi fəxrlə ifadə edirəm və bunu heç kimdən gizlətməyə ehtiyac duymuram! 🇦🇿

Nazlı Onur