“Ağsaqqalı” təbrik edirəm! Düşərli olsun...” - Musa Musayevdən Ramiz Mehdiyev barədə sərt sözlər

Shir.az xəbər verir ki, məşhur YAP-çı və Naftalanın keçmiş icra başçısı Musa Musayev *Ramiz Mehdiyevin həbs xəbərindən sonra* fikirlərini belə ifadə edib:

“Ağsaqqalı təbrik edirəm! Düşərli olsun. Məni 12 il işsiz qoymağın və xəyanətin nəticəsi!”

Musayev bildirib ki, indiki hadisələr onun üçün gözlənilməz deyil:

“Haqq nazilər, lakin üzülməz! Məni qəbul edəndə deyirdi ki, məndən sənə əmanət, çalış pambıqla baş kəs (özü kimi). Sən çox prinsipial adamsan, qılıncı almısan əlinə kim gəldi başını kəsirsən.  
Mən heç vaxt yıxılanı baltalamamışam. 2000–2005-ci illərdə deputat olduğum dönəmdə parlamentdə, 2006-cı ildə Naftalana İcra başçısı vəzifəsinə təyin olunanda isə kabinetində Ramiz Mehdiyevə öz sözümü demişəm. Nəticəsi də hər kəsə bəllidir.”

Musa Musayevin bu açıqlaması siyasi arenada böyük rezonans doğurub və Ramiz Mehdiyevin həbs xəbəri ilə bağlı ictimai müzakirələri daha da fəallaşdırıb.