Almaniya 2025-ci ildə Ukraynaya 4 milyard avro hərbi yardım ayırmaq niyyətindədir ki, bu da 2024-cü ildəki rəqəmdən (8 milyard avro) 2 dəfə azdır.

Shir.az xəbər verir ki, bu barədə "Reuters" agentliyi Almaniya hökumətinin hazırladığı büdcə layihəsinə istinadən məlumat yayıb.

Bu gün qəbul edilməsi nəzərdə tutulan sənəd 2028-ci ilədək ortamüddətli maliyyə planlaşdırmasını əhatə edir.

Nəşr yazır ki, 2025-ci il üzrə büdcənin tərtib olunması çətin olub, belə ki, Almaniyanın maliyyə naziri Kristian Lindner COVID-19 pandemiyası və bu yaxınlarda baş verən enerji böhranı zamanı yüksək xərclərdən sonra fiskal konsolidasiya tələb edib.