"Kəpəz" vəziyyətindən asılı olmayaraq hər zaman diqqət mərkəzindədir.

Bunu Shir.az-a açıqlamasında Gəncə təmsilçisinin yeni icraçı-direktoru Cabir İbrahimov deyib.

Təyinatı ilə bağlı danışan klub rəsmisi ona göstərilən etimada görə rəhbərliyə öz təşəkkürünü bildirib:

"Kəpəz" ölkəmizin ən titullu klublarından biridir. Bu tarixi klubda işləmək hamı üçün şərəfdir. Sponsorumuzun olmamasına baxmayaraq komanda son iki mövsümdə çempionatda yerini qoruyub. İndi də ilk vəzifəmiz bu olacaq. Artıq 3 tərəfdaşımız var. Klub rəhbərliyi sponsor tapılması üçün səylərini davam etdirir. İşimiz çoxdur. Mən də üzərimə düşən vəzifəni lazımınca yerinə yetirmək üçün bütün gücümü ortaya qoymuşam".

Qeyd edək ki, Azərbaycan Premyer Liqasının 2024/2025 mövsümünün I turunda "Kəpəz" səfərdə "Sumqayıt"ın qonağı olacaq.