İndoneziyada siqaret almaqla bağlı yaş həddi artırılıb.

Shir.az "Reuters"ə istinadən xəbər verir ki, siqaret almaq üçün minimum yaş həddi 18-dən 21-ə qaldırıb.

Bildirilib ki, bu tənzimləmə siqaret çəkənlərin sayının azaldılması və erkən yaşda siqaret çəkənlərin qarşısının alınması məqsədi daşıyır.

Qeyd edək ki, 270 milyon əhalisi olan İndoneziya dünyanın ən böyük tütün istehsalçılarından biridir və Ümumdünya Səhiyyə Təşkilatının 2021-ci il sorğusuna əsasən, orada təxminən 70 milyon siqaret çəkən insan var.

İndoneziya Səhiyyə Nazirliyinin 2023-cü ildə apardığı sorğuda isə ölkədəki 70 milyon siqaret çəkənin 7,4%-nin 10-18 yaş arası şəxslərin təşkil etdiyi bildirilib, ən çox siqaret çəkən yaş qrupuna isə 15-19 yaş aralığında olan gənclərin daxil olduğu diqqətə çatdırılıb.