28 sentyabr - Azərbaycan ictimaiyyətinin, media və siyasi cameəsinin, xüsusilə də onu sevən milyonlarla insanın yaddaşına dərin hüzn və ehtiramla yazılıb. Bu gün, tanınmış millət vəkili, publisist, Vətən aşiqi Qənirə Paşayevanın vəfatının ildönümüdür.

Qənirə Paşayeva təkcə millət vəkili deyildi. O, Azərbaycanın sözünü dünyaya çatdıran, Qarabağ həqiqətlərini yorulmadan müdafiə edən, gənclərə yol göstərən, milli kimliyi və mədəniyyəti uğrunda mübarizə aparan qadın simvolu idi.

Jurnalistikadan siyasətə, təhsildən mədəniyyətə qədər müxtəlif sahələrdə fəal olmuş, daim haqqın, ədalətin və millətin yanında durmuşdu. Onun çıxışları, yazıları və fəaliyyəti Azərbaycan cəmiyyətində dərin iz buraxıb.

Qənirə xanım xüsusilə gənclər arasında sevilən, sadəliyi və səmimiyyəti ilə seçilən bir şəxsiyyət idi. O, millət vəkili mandatını yalnız siyasi kürsü kimi yox, xalqın dərdini dinləmək və onu tribunadan dilə gətirmək üçün bir məsuliyyət kimi görürdü 🥀🇦🇿

Allah rəhmət eləsin! 

Nazlı Onur